Жалпы күтім ескертпелері

Дүкендеріміз немесе интернет арқылы сатып алған киімдердің үстінде «КҮТІМ ЭТИКЕТКАСЫНЫҢ» болуына назар аударыңыз және аталмыш этикеткадағы нұсқаулықтарға сай күтім жасаңыз.
Киім немесе тауарлардың күтімі көбіне киімдегі материалдың құрамына(талшық түрі) қарай жасалынатыны секілді үстіне жасалған қосымша дизайн/эстетика/түріне қарай өзгеруі мүмкін. Соған орай этикеткалар немесе нұсқаулықтары болуы мүмкін және күтім соған сай жасалады.

Киім/Тауар күтімінде ең алғашқы адым жуу:

• Киімдеріміздің/Тауарларымыздың мүмкіндігінше дұрыс жуылуына көңіл бөлінгені жөн.
• Өйткені мөлшерден көп немесе ағат жуу тауарымызға да, қоршаған ортамызға да зиянын тигізетінін естен шығармау қажет.

Киімдер/Тауарлар жуылмастан бұрын түстері және тауар ерекшеліктеріне қарай жіктелуі қажет. Бұл жіктеу;

• Киім/Тауардың ерекшелігіне қарай:
  • Қолмен жуылатындар
  • Кір жуғыш машинада арнайы бағдарламада жуылатындар және
  • Әдеттегідей жуылатындар түрінде болуы қажет.

Өйткені жүн, жібек немесе үстінде күрделі қол өнері, нақыш немесе арнайы принті бар тауарлармен бірге мақтадан жасалған тауарлар жуылмауы қажет.

• Киім/Тауар түстеріне қарай:
  • Ақ түстілер,
  • Ашық түстілер және
  • Қою түстілер

түрінде жуылуы қажет... Басқа түрдегі немесе түстегі тауарлардың бір-біріне бояу жұқтыруы немесе бұзуы мүмкін екенін естен шығармау керек!

• Киім/тауарларды жуу барысында жеткілікті ұнтақ қолданылуы керек, бірақ көп мөлшердегі ұнтақ тауарларымызды тазартудың орнына ескіртеді.
• Кір жуғыш ұнтақ таңдау жуудың маңызды этаптарының бірі болып табылады, ақ түстілер және түрлі түстілер үшін бөлек-бөлек ұнтақ таңдаған дұрыс, өйткені құрамында ағартқышы бар және ақ түстілерді жуғанда қолданылатын кір жуғыш ұнтақ түрлі түсті тауарлардың реңін солдыруы мүмкін.
• Түрлі түсті киімдерді жуарда colormatik ұнтақ қолданылуына кеңес беріледі.
• Әсіресе концентратты ұнтақтардың өлшемі назарда болғаны жөн, өйткені көп мөлшерде қолданылған аталмыш ұнтақтар киімдердің қысқа уақытта солуына және тозып кетуіне себеп болады.
• Тауарлардың қолданыс және соған сай жуылуға тиіс мерзімдері бар екенін ұмытпаған жөн. Сол себепті тауарлар кірленбей тұрып жумаған жөн. Желдету және щеткамен тазалау жуудың орнын ауыстыру мүмкін.
• Кір жуғыш машинаға мөлшерден тыс киім қойылмауын назарда ұстау қажет, өйткені шамадан артық қойылғанда киімдер жеткілікті дәрежеде тазармай шығады. Бір жағынан, машинаға аз киім қойып та жумаған жөн. Аз киім қойып жуу ысырапқа себеп болады, әрі қоршаған ортаға да залал тигізеді.

Жуу температурасы этикеткада көрсетілген өлшемде болуы керек, төменгі температурада жуылған киімдер жеткілікті тазармайды деген пікір жаңсақ пікір, керісінше төмен температурада да киімдер таза жуылып шығады.

• Жоғары температурада жуу киімдердің тез тозуына немесе созылуына әсер ететінін естен шығармаған жөн.
• Жуу мерзімі машинаның түріне қарай нұсқаулықта көрсетілген ең қысқа мерзімде болатындай таңдалуы керек. Дұрыс жуылып шығуда жуылу ұзақтығы кемінде кір жуғыш ұнтақ және температура секілді маңызды.
• Киімдеріңізді/тауарларыңызды теріс аударып жуыңыз.
• Киімдеріңіздің/тауарларыңыздың дұрыс шайылғанына көз жеткізіңіз, өйткені киім үстіндегі сабын немесе кір жуғыш ұнтақ қалдықтары киімнің кейбір жерлерінің солуына себеп бола алады.
• Жуылу аяқталған соң киімдер дереу машинадан шығарылып, нұсқаулықта айтылған әдіспен құрғатылуы қажет.
• Машинаның ішінде тұрып қалған түрлі түстегі киімдер бір-біріне бояу жұқтыруы мүмкін екенін естен шығармаңыз.
• Жуылғанда қолданылатын судың кермектігі кірлеріңіздің дұрыс тазармауына немесе түстерінің оңуына себеп болатындықтан қолданылатын судың кермек болмауына көңіл бөлген жөн, судың кермектік дәрежесі бекітілген неміс кермектік өлшемі 3 Dh-тан көп болмауы керек.
• Әсіресе түрлі-түсті киімдердің/тауарлардың жуылуы барысында ағартқыш қолданылмауын назарда ұстаған жөн, LC Waikiki Mağazacılık ақ түсті тауарларға да ағартқыш қолданбауға кеңес береді, өйткені ағартқыш қолдану киімдердің қолдану мерзімдерін азайтып қана қоймай, қоршаған ортаға да зиян тигізеді,
• Киім/тауарларыңызды қолмен жууға кеңес берілгенде жылы немесе салқын сумен жууға тырысыңыз.
• Қолмен жуылатын киім/тауарларды жууға бастамас бұрын ұнтақтың суда әбден ерігеніне көз жеткізіңіз, жуғаннан кейін дұрыс шайылмаған тауарлардың үстіндегі сабын немесе кір жуғыш ұнтақ қалдықтары киіміңіздің түсінің оңып кетуіне себеп болады.
• Киімдеріңізді/тауарларыңызды жуар алдында кнопкасы бар болса кнопкаларын жабыңыз, түймесі болса түймесін салыңыз және сыдырма ілгек бар болса сыдырма ілгекті жабыңыз.
• Киімдеріңізді/тауарларыңызды жумастан бұрын тауардың үстіндегі алынатын аксессуар болса алып, онан кейін барып жуыңыз.

Киімдеріңіздің/тауарларыңыздың бірдей түстегі алынбалы-салынбалы бөлігін мүмкіндігінше бірге жууға тырысыңыз, жуылған соң тауарда пайда болатын ескірудің.

• әсерінен жуылмаған тауар мен жуылған жері екі түрлі көрінуі мүмкін.
• Киімдеріңіздің/тауарларыңыздың түрлі түстегі алынбалы-салынбалы бөлігін мүмкіндігінше бірге жууға тырысыңыз.

Жуғанда түктенетін тауарларды түкті өзіне тартып алатын тауарлармен бірге жумауға тырысыңыз. 

Екінші адым құрғату адымы:

• Киіміңіздің күтім нұсқаулығында көрсетілген құрғату түріне қарай құрғатыңыз.
• Киімдеріңізді/Тауарларыңызды тікелей күн сәулесінің астында құрғатпаңыз, ұзақ уақыт күн астында құрғату киімдердің түсінің оңып кетуіне себеп болады.
• Киімдеріңізді/Тауарларыңызды батарея немесе жылытқыштың үстінде құрғатпаңыз, өйткені тауардың пішімі өзгеруіне себеп болуы мүмкін.

Жүн немесе жүн араласқан тоқылған киімдеріңізді/тауарларыңызды пішімін қолмен түзетіп, тегіс жерге жайып, бөлме температурасында құрғатыңыз, іліп құрғату мұндай тауарлардың пішімінің бұзылуына себеп болады.

Үшінші адым үтіктеу:

• Киімдеріңізді/тауарларыңызды үтіктемес бұрын күтім нұсқаулығында жазылған қыздыру дәрежесіне қарай сұрыптап, төменгі дәрежелі қызуда үтіктелетіндерінен бастау қажет.
• Киімдеріңіздің/тауарларыңыздың жақсырақ үтіктелуі үшін тауарларды дымқылдау күйінде үтіктеуді назарда ұстаңыз, дымқылдау күйінде үтіктеу киімдердің күюіне және жылтырауына жол бермейтінін естен шығармаңыз.
• Киімдеріңізді/тауарларыңызды теріс айналдырып үтіктеуге тырысыңыз.
• Киімдеріңіздің/тауарларыңыздың үстінде орналасқан принт немесе нақыш, қолөнер түрі бар аймағын терістен абайлап үтіктеңіз.
• Сыдырма ілгегі бар тауарларда  сыдырма ілгекті үтіктемеуді назарда ұстаңыз.

Киімдердің үстіндегі пластмасса этикеткаларды үтіктемеңіз.

Химиялық тазалау:

LC Waikiki Mağazacılık мүмкіндігінше жуылатын тауарлар өндіруге тырысады, өйткені Химиялық тазалау процесінде қолданылатын 

• химиялық заттар қоршаған ортамызға зиянын тигізеді.
• Сол себепті тек қана жуылуы мүмкін емес тауарлар(иық көтермесі(подплечник), мақталы немесе тез бүлінетін қолөнер түрлері бар киімдер)үшін ғана Химиялық тазалауға кеңес береді.

Химиялық тазалау таңбасы бар киімдеріңізге/тауарларыңызға химиялық тазалау жасатыңыз.
 

Киімнің/Тауардың күтімі

Қазіргі таңда су және энергия секілді табиғи ресурстарды мүмкіндігінше ең аз мөлшерде пайдалана отырып киімге күтім жасау қажеттілігі туындады. Киім және тауардың күтімі барысында қолданылатын Кір жауатын ұнтақ, Шайғыш және Химикаттар киімімізге зиянын тигізіп қана қоймай, табиғи ресурстарымызды да кірлетіп, түгесуде!!!

Сол себепті «ӘРІ КИІМДЕРІМІЗДІ, ӘРІ ҚОРШАҒАН ОРТАНЫ, СОНДАЙ-АҚ БОЛАШАҒЫМЫЗДЫ САҚТАП ҚАЛУ ҮШІН БІРІГЕЙІК ЖӘНЕ КИІМДЕРІМІЗГЕ/ТАУАРЛАРЫМЫЗҒА ДҰРЫС КҮТІМДЕР ЖАСАЙЫҚ.»